¡FELIZ NAVIDAD!

Så nærmar me oss jul og her i Spania. Sjølv om det kjennest ut som me er langt vekke frå denne høgtida, se er det vel like kort tid til jul her som heime vil eg tru… Det har vært fleire tidlege teikn til dette og her. Matbutikkane var dei fyrste til å sette fram julekake og julegodt. Det skjedde for ein månad sidan. No i dei aller siste vekene har dei fleste kome etter, klesbustikkar, nipsbutikkar, fotobutikkar og blomsterbutikkar.  Me er jo dagleg og svinsar rundt i byen, stikk innom butikkane, og somme gonger og kafear og restaurantar. Det har ikkje vært så mykje spising ute i det siste, me har ikkje så god råd lenger etter at Stavanger Brygge blei oppsagt. Nå vert det nok smalhans med vassgraut, neversuppe og regnvatn! Om nokon har ei lita halv-spist julepølse dei kan avsjå, så tek me mot den!