2009-10-06 by skjalg

Tur til Agulias – Viaje a Aguilas

Ferie og reiser
Aguilas, bil, Eide, Falke, GPS, Kitty Karina, San Juan de les Terreros, Unni Elisabeth
4 Comments

Me stola fullt på Gabrielle Petronella Samonella (GPS) og havna i ei elv!

Kjekkt å besøke Einar og Ingunn i San Juan de les Terreros

Så har me tatt oss ein fyrste langtur med bilen. Me drog sør i nærleiken av Agulias de me sko besøka Einar Eide, ein tidligare kollega på Randaberg Vgs. Han og kona Ingunn har kjøpt eit hus i den lille byen San Juan de les Terreros. Der blei me ein dag, overnatta og fekk svert så gjestfri mottaking. Det blei ei nokre lengre tur enn me hadde sett føre oss! GPS, som førte Falke og meg nærast problemfritt frå Noreg til Spania, var ikkje snill med oss!

Etter ein tur innom Cartagena med eit lengre stopp med lunch og storhandling på Carrefour la me inn adressa til målet vår: San Juan de les Terreros. Ut frå byen ana me urå, men me stoppa ikkje før me hadde kjøyrt inn i eit djupt elveleie med Peugeoten vår! Då forstod me at Gabriella hadde leia oss på ville vegar! Me missa vel ein time og måtte kjøre 40-50 km tilbake til Cartagena. Me hadde med oss eitt Spaniakart, men der stod ikkje dei små vegane! Bilen fekk seg ei hard prøve, men det tålar den jo (den har no passert godt over 260.000 kilometer!).

Einar skejjer fangsten til dei spankse fiskarene.

Einar sjekker fangsten til dei spanske fiskarene.

Fin urørt kystline mot Middelhavet.

Einar og Unni Elisabeth bader i Middelhavet

Einar og Ingunn viste oss omkring i eit område der det var mindre utbygd med turistindustri enn der me bur på Costa Blanca. Fine naturområde med sjøen. Me fekk bada i Middelhavet (berre Unni Elisabeth av oss denne gongen!) på ei strand langt vekke frå folk. Her traff me på dykkarar som tok fisk på den spannande måten, med harpun (noko for deg Falke!)

Ein kjekk landsby - Puerto de Garruca

Markedet har ei sterk dragning på Unni Elisabeth og Kitty Karina

Det var eit noko kort opphald denne gongen, men det er jo ikkje så langt å kjøyre, så me tar oss nok ei tur til i løpet av opphaldet her i Spania. Kjekt for Kitty Karina med eit symjebasseng like utanfor terrassen! Der boltra ho seg som ein delfin, seint og tidlig!

Eg veit ikkje om nokon som er gladare å bada enn Kitty Karina!

Godt og varmt til lunch på terrassen.

Flotte vegar tilbake til Alfaz. Denne gongen leia GPS oss nesten rett… Me var heime på 2,5 time – dei 235 km føyk avgarde…

2009-10-02 by skjalg

Kommentarar er velkomne – Takk!

Me har vært her ein månad. Eg har skrive nest kvar dag og nokre av dykk har lese, det veit eg. Det hadde vært kjekkt å få nokre tilbakemeldingar. Kva skjer hos dykk i Noreg? Nederst på kvart innlegg står det «no comments» eller «… comments». Trykk på den, så kan du skrive i det feltet som kjem fram. Det set med stor pris på!

Nokre stemningar frå morgonturen i dag!

Morgonsol frå den eine verandaen.

Kvar dag treff eg desse som driv taichi på stranda.

Stille vatn på strand

2009-10-01 by skjalg

La crisis económico Finanskrisen

Spania er som nokre av dykk veit inne i ei økonomisk krise. Det er vel det landet som har høgast arbeidsløyse i vesteuropa. Over 20 % seiest det. Det er kva femte spanjol det! Eller nærare 4 millionar, omtrent så mange som bur i Noreg. Og økonomien er venta å sykne med over 3 prosent i 2009.

Eigedomsmarknad ligg med brokken rygg. Byggeverksemda har stoppa opp. Ein byggmeister me snakke med for litt sidan ville ganske enkelt ikkje ta mot oppdrag, for all bygging nå ville gå med tap. Bustadprisane fell som stein til bakken. På to år er ein gjennomsnitts-bustad blitt 12.000 EU billigare. Den er attende på 2007-nivå.

Over alt står det plakatar med til salgs og til leige

I gamle Altea kan ein og finne mange hus til salgs.

Nå kan ein gjere gode kjøp! Det ser me overalt i byen her. Det er sikkert 50 meklarhus berre i Alfaz/Albir. Vindaugene er proppfulle av bilete av hus til sals. Einskilde er sett ned med 100.000 Euro!

Det er eigendoms-meglarar over alt.

Nå har bustaden vår og blitt lagt ut for utleige!

Det er 1 million leilegheiter til salgs i Spania! Det er ikkje så mange så får seld til dei prisane som var for nokre år sidan. Derfor prøver mange å leige ut. Det er eitt stort press på prisane, og me går ner 200 EU frå det med betalar i dag. Rett nok ein mindre plass, men meir sentral og betre standard.

2009-09-29 by skjalg

Escape de agua – Vannlekkasje

Så kom regnet.

No har det skjedd noko ubehageleg med huset me bur i! Som nokon av dykk mogeleg veit så har me fått mykje styr med vatn i Schancheholen og i Kviteseid dei siste 10 åra. Det ser ut til å forfylgje oss her i Spania!
Fylg med så skal eg gjere greie for kva eg meiner – med bilete seinare!

Før flaumen og etter ser det slik ut på "promenaden" mot havet

Før flaumen og etter ser det slik ut på alleen mot havet

Dei er førebudd på MYKJE vatn her i Albir. Denne alleen er tørr meste av tia.

Det tyt vatn ut alle plassar!

Det luktar ikkje godt dette!

Og her ender alt vatnet, i Middelhavet, på badestranda vår.

Vatn inn i huset. Lekkasje frå veranda, i kjøkken og i stue!

Som eg nemnde, me vert forfylgd av vatn og lekkasjar kor me snur oss! Huset me bur i er bygd i 82-83 medan den ists store byggestormen her i Spania. Mykje slett arbeid og dårlege hus. Me ser det nå. Vatnet treng gjennom taket i stua og kjøkken, for det er ein utett veranda over begge rom. Då vatnet styrta ner så klarte ikkje avlaupet ta av for dei stor vatnmengdene så det såg som små symjebassen der oppe.

Mykje vatn på terassen oppe og tette røyr! Unni Elisabet tok eit kosteskaft og fekk ut skiten!

Vatn var det og på den andre verandaen. Tette røyr og, men Unni fiksa det med ein smørekniv

I dag rann det vatn ner ved sia av bordet eg sit kvar dag på ute plassen, i kveldinga byrja det å drypa frå taket på kjøkken. Det vart ein liten vasspytt. Endå seinare byrja det å drypa på TV og Kabelboksen framføre oss i stua! Au då… då ringte me til dei me leiger av!

Unni og eg fann fram reiskap, knivar, pinnar og eit kosteskaft og fekk trykt ut tette avlaup. då var det rett føre det rann inn på Kitty Karina sitt rom!

Vatnet la seg fint foran Tv og kabelboksen!

Unni måtte tøre opp vatnet frå verandaen over kjøkkenet vårt.

Unni tørkar opp vatnet på kjøkkengolvet.

Som om ikkje dette var nok denne dagen..så gjekk straumen resten av kvelden. Men det var jo litt koseleg…

Fin stemning på badet!

2009-09-28 by skjalg

La visita – besøk

Diverse, Kvardagsliv
cristina, skjalg, Unni Elisabeth, Valencia
4 Comments

Falke reiste i går. Me køyrde han til flyplassen og han for til Norge. I farten gløymde han pengeveska si, så den må me sende i posten. Det blei stille når han reiste, men ikkje lenge. Cristina frå Valencia kom om kvelden for å vere her til sundag. Ho kom i 23 tia med bil og blei teken mot som den fyrste gjesten i huset vårt, utanom Falke då. Cristina var ei kjekk jente, 28 år, boande i den nærmaste storbyen, Valencia, ca 1,5 time med bil herfrå.

Cristina fekk ein pakke med ting ho hadde gløymt i Norge i mai

Ho budde i nabolaget vårt i Schancheholen i nærare 1,5 år. Ho var leige buar hos Gunnar Torstensen og arbeidde i Point of Peace og i ein barnehage i Stavanger. Ho måtte dra tilbake til Spania i mai og er no arbeidsledig samen med 4 millionar andre spanjolar….

Cristina var med oss i dag på internasjonal dag i Alfaz del Pi, der fleire titals nasjonar hadde framsyning av aktiviteter og selde mat frå sine heimland. Nett som i Bjergsted på 17. mai. Det var ein kjekk oppleving, sjølv om me og har fått regnet til oss her i Spania nå.

Cristina og Unni Elisabeth ser på folkeleik frå Valencia

Cristina vil lere meir norsk. Me vil lere spansk, så då har me ein fin avtale, så me skal halde kontakten i dette året i Spania. Ho er ei åpen jente med godt humør som me vil trivast godt med trur eg. Ho kjem frå mellomklasse i Valencia med mor som arbeider som professor i psykologi ved universitetet i V. Faren er pensjonert bankmann. Ho er den eldste blant 5 søsken.

Cristina snakkar med lokale dansarar frå Valencia

Dansarar på scenen med lokale drakter.

Skjalg synst det var kjekt å bli kjent med ein spanjol. Cristina skal me nok se meir til.

Om tre veker vil ho me skal kome til henne i sumarhuset til faren i Denia, ein 45 minutters tur frå Alfaz. Før ho reiste tilbake til Valencia, fekk ho spansk/norsk mat som Unni Elisabeth og eg hadde laga. Eg trur ho lika det.

2009-09-25 by skjalg

El tráfico – trafikken

Det er anna trafikk-kultur her i Spania. Det er sikkert. Alle køyrer fortare, dei køyrer tettare, parkerer tettare, bryr seg ikkje om trafikkskilt eller raudt lys. De sydlandske temperament er tydeleg. Falke hadde ein elddåp i Barcelona, men han lika å vere oppe i kaoset han! Eg køyrer med hjarte i halsen anten eg sit på sykkelen eller i bilen. Me kjøpte ein sykkel for to veker sidan.

Nokon gong gjeng det vel fort i trafikken!

Den blir flittig brukt til og frå skulen, men det er eit sjansespel! Det finst ikkje noko særleg med sykkelstiar (med unnatak av promenaden langs sjøen – for mosjons-syklistar), og vegen til skulen er fylt med hål og høge kantar. Her om dagen måtte eg lappe sykkelhjulet for det slit veldig når både Unni Elisabeth og Kitty Karina sit på same sykkel med tunge sekkar på ryggen!

Fekk med meg lappesaker frå Ålgård...

Kvardagen har mange praktiske utfordringar for ein husfar!

Me vurdera å kjøpe ein liten elektrisk sykkel, men var ikkje sikker på om han ville klara bakkane opp til skule. Men kjekk var han.

Lysfest i Altea

På kvelden torsdag var me i Altea. Der har me lysfest denne veka. På torget i gamlebyen var det skodespel på catalansk. Me forstod ikkje mykje av det verbale men fekk med oss at det hadde ei religiøst innhald. Medan me såg på stykket, spiste me veldig god paella, den må eg jo prøve meg på heime tenkjer eg!

Heile byen er pynta med lys av forskjellig slag

På marknadsplassen i Altea var det eit skodespel med tema frå catalansk historie. Bak til venstre sit Kitty Karina og Falke.

Herleg mat - Paella

Det var god mat på restauranten!

2009-09-25 by skjalg

Dykking i Calpe med Falke – Club Natucio

Falke har dykka med fullt utstyr i dag.. Eg har vist han litt rundt, gått promenaen til Altea der me spiste paella. Han tykte vel om Altea, gamle byen. . Medan eg drog til byen, og henta mi vekeavis, Dag og Tid i postboksen sat Falke på den nye datamaskinen sin og tok livet med ro. Men seinare på dagen drog me til Calpe der han brukte eit par timar med instruktør for å dykka . Det var nok veldig spannande for han. Eg har sjølv eit Padi-sertifikat 1986 men treng ein time med instruktør for å få det autorisera på nytt. Eg får vel gjere det seinare i vinter tenkjer eg… .Den spanske instruktøren blei imponert av Falke.

Falke og instruktør som ikkje kunne anna enn spansk..

3 minutt med instruksjon og så var det under vatnet

Falke i sitt rette element, 5 meter under overflata.

Ei fin oppleving er over for denne gong

Det er ikkje alt som fungarar som me vil her i Spania. Som eg har skrive før så skjer ikkje ting så fort og effektivt som me e vane med i Noreg. T.d. så har no det trådlause nettet me fekk installert for ei tid tilbake vore utan samband. Me har sett det fleire gonger og no sist i dag var sambandet vekke i 14 timar. Når det fungerar så har me ei line som gjer oss mellom 850 kbs og 1 mbs. Me har ei antenne på huset som tek mot signalane frå fjellet opp føre Albir.

Parabolen som me får internett frå

Og i morgon er det marknad i Alfaz d`pi. Har og invitert Cristina frå Valencia til oss for helga. Og på laurdag reiser Falke. Det vert litt trist.

2009-09-23 by skjalg

Todos los dias – Kvardag

Kvardagen kjem no etterkvart sigande for oss og her i Spania. Temperaturen har og falle mykje i det siste frå 32 grader i midten av september til 24-26 grader no. Enkelte dagar har det vært mykje regn, styrtregn faktisk og kaldt – kring 18 grader. Me sit ein del heime alle saman. Falke er her no og så me køyrer litt rundt i omgivnaden for å blir betre kjend. Var ein tur i Calpa, ein by 15 min frå Alfaz. Her besøkte me eitt dukkarsenter kor Falke fekk bestillt time til torsdagen. Eigaren var godt kjend i Stavanger og hadde dei siste 3 åra gjort basehopp frå Kjerag 30 gonger!

Falke gler seg til å dukka i Calpe på torsdag

Kitty Karina trivest veldig godt! Ho likar seg på skulen og har fått fleire nye vener. Så trur eg hu og har fatta spesiell interesse for ein gut i klassen! Ho er mykje på internett, snakkar med venene sine i Stavanger og dei ho har i klassen. Falke hadde med seg sin gamle Macbook Pro som KK har kjøpt av han.

Me sit alle på kvar vår datamaskin på kveldane og surfar, les, ser på film, snakkar med folk heime… Faktisk er me godt utstyrt nett no. Eg talde faktisk 6 datamaskiner! Eg tok med meg ein gamal trådlaus router frå Noreg som eg kobla opp mot den trådlause nettlina og nå sit me på kvar vår maskin og surfar i veg!

Me e godt utstyrt for kontakt med omverda!

Unni sjekkar Fjesboka.

Skjalg har lånt ein liten berbar datamaskin av Odin

Det er og gått tid med til besøk i butikkar. Her om dagen var me i ein stort supermarknad som heitte Carrefour. Det var omlag 4 gonger større enn Obs på Mariero. Nå som me hadde bil, fekk me endeleg med oss alle dei varene med trong!

Kitty Karina hadde ikkje så mykje kler med seg, så ho fekk kjøpe seg noko nytt.

Godt å få bilen ner til Spania. Det har letta kvardagen ein del det...

2009-09-23 by skjalg

Nuevo casa – Ny bustad

I går var Falke, Kitty Karina og eg og såg på ein ny bustad. Den er mykje mindre, men mykje finare og mykje nærare skulen – og som eg satte mest pris på: I eit stille område! Som nokre av dykk veit så er eg plaga av trafikkstøy (stikkord: Motorvegen E39) Me skreiv kontrakt, men flyttar ikkje før siste veka i oktober.

Nå ser det ut til at eg ikkje treng dei fine øyreproppane Kitty Karina kjøpte til meg!

2009-09-20 by skjalg

3200 km på 37 t – med bil! – Con el coche!

Så var eg attende til heimen i Spania. Ei veke med arbeid, reise besøk til familie og vener. Det skjer mykje på kort tid. Var så heldig å få bu hos Dag Bjørnsen, kjekk kar med stort hjarte! Det er umåteleg ansleis på vere i sin eigen by når ein ikkje har nokon plass å bu for seg sjølv. Det skrev eg om sist. Det er og merkeleg å kjenne at dei ein høyrer til med (Unni og Kitty Karina) ikkje er der, men ein annan stad! Derfor føler eg meg heime att, no her med Unni Elisabeth og Kitty Karina. Herleg å vere heime att! Trøytt, både Falke og eg. For Falke var med, det er eg frykteleg glad for. Det hadde ikkje gått utan!

Eg og Falke køyrde frå Stavanger kl halv to på fredag. Eg hadde pakka bilen, hadde faktisk god plass og kunne sikkert ha teke meir med meg. Ein nabo i Schancheholen kom med nokre smykke og papirer til ei jente i Valencia (skriv nok meir om ho seinare). Ein ekskollega frå Randaberg kom med nokre ting for huset hans i Spania. Fekk plass til dette og.

Så var det avgarde. Ferja gjekk frå Kristiansand kl. 16.30. Så me hadde kring 4 timer på oss. Det gjekk fint. I Hirtshals var me kl. 1945, så var det berre å køyre på!

Falke er klar for 3000 km på hjul gjennom Europa!

Danmark og Tyskland vart tilbakelagde på den fyrste kvelden. Me kom inn i Frankrike på morgonkvisten og var langt sørover mot Nancy på morgonkvisten. Magne hadde førebudd ei dame i Liege på ei overnatting, men me køyrde litt lengre aust og kom inn i Frankrike med Strasbourg. Det var lite trafikk på ein laurdag, så me hadde ikkje problem av noko art. Og Falke han imponera som ein svært stødig og roleg sjåfør.

Fersk sjåfør med 14dagars setifikat, imponera med kjøyringa si!

Fersk sjåfør med 14dagars sertifikat, imponera med kjøyringa si!

Den store elddåpen kom for Falke! Det skjedde i Barcelona, klokka halv ni på kvelden laurdagen. For dei som kjenner byen og vegane og trafikken der veit kva eg meiner. Ta rushtrafikken i Stavanger og gang opp med 10 i mengd, i kaos ig tempo og i temperament! Dette tok Falke med stoisk ro! Me kom oss gjennom byen og for mot Valencia og Alfaz dei neste timane! Unni sov på sofaen i heimen då me kom fram klokka 01.35 på sundag morgon!

Falkemat

Skjalg sin mat

I dag har Falke og eg sove ut. Men eit bad vart det tid til. Og eg måtte eg jo filme Falke og Kitty Karina som traff kvarandre i morges før frukost. Kitty Karina har snakka mykje om at Falke skulle komme og gledd seg valdsamt den siste veka. Kitty Karina hadde og funne ei gåve til han (se bilete).

Kitty Karina vil gi Falke ein våt klem

Like attmed vårt hus ligg det eitt stort symjebasseng. Kitty Karina ville sjølvsagt vise Falke dette og det var ikkje han imot som den sjøløva han er! Framleis varm i vatnet etter norske tilhøve, men me synes de vert kalt eitter kvart. tippar 22-23 grader etter ein dag og to med regn og overskya ver. Her det det sola som varmer bassenget, så dårleg ver eit par dagar senkar temperaturen.

Vatn er kjekkt. Bade, symje, dukka!

Falke, Kitty Karina og Skjalg kosar seg i bassenget ved huset vårt i Alfaz.

Behagelig arbeidsantrekk!

Falke har eitt kjekkt kamera som tåler vatn!

... og slik ser Falke ut under vatn!

Spania

Omdal og Hørthe. Våre liv i Spania (Albir)

Author / skjalg